Occupy Wall Street preba de tornar a acampar

Dimpués d'o desaloix d'ista maitinada os "carranyaus" no reblan. Una orden chudicial les autoriza a acampar.

Carranyaus con pancartas (Foto: Tom Giebel)

Carranyaus con pancartas (Foto: Tom Giebel)

A tamás d’estar desaloixaus ista mesma maitinada, os “carranyaus” de Nueva York no reblan y han prebau de tornar a acampar. Parti d’ells lo han feito en a Plaza Zuccotti d’a on los facioron marchar, acubillaus baixo una orden chudicial que les permite tornar-ie. Atra parti, manimenos, ha decidiu d’ocupar un atro parque a o norte d’a ciudat. Astí s’han produciiu nuevas detencions.

A chueza Lucy Billings ha feito una orden a on que vieda forachitar por a fuerza a os acampaus como ordenó ahiere nueit l’alcalde d’a ciudat, Michael Bloomberg. Os carranyaus levan a ideya de continar acampaus y fer más accions de protesta. Con tot y con ixo, l’alcalde ha reaccionau zarrando lo espacio a lo publico y ha avisau a os manifestants que as leis locals no permiten que i tornen con as tiendas de campanya y os sacos de dormir. Iste martes se ferá una atra vista chudicial sobre o tema.

Bloomberg declaró que heba ordenau desaloixar l’acampada porque “bi heba personas que no bi iban ta protestar sino ta violar leis y mesmo ta fer mal a atras personas” y que bells “negocios heban recibiu menazas”. “Os carranyaus”, de man d’os suyos portavoces acusan a l’alcalde d’estar-se más preocupau por intreses financiers que no por os treballadors d’Estaus Unius.

Ta iste chueves os “carranyaus” de Nueva York paran grans accions de conchunta con atras organizacions ta celebrar os dos meses de luita que levan.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.