Ontinyena enguera o nuevo colechio d’infantil y primaria

A consellera d'Educación, Universidat, Cultura y Esporte d'o Gubierno d'Aragón, Dolores Serrat, ha feito a devantadera d'o colechio “Sant Gregorio” d'Ontiñena chunto a l'alcalde d'a localidat, Ángel Torres.

Dolores Serrat ha repartiu os premios d'o 28º Cros Escolano Baixo Cinca-Monegros. (Foto: Comarcas.es)

O centro ubrió as suyas puertas iste curso escolar 2011-2012, y en ell estudean un total de 31 alumnos, d’os quals dotze son d’infantil y decinueu de primaria. O Gubierno d’Aragón ha invertiu un total de 440.000 euros en a construcción d’istas instalacións que contan con tres aulas, espacio ta mosica, psicomotricidad y atras actividatz complementarias.

En l’acto, Serrat y Torres han descubierto una placa situada en a dentrada y posteriorment han recorriu as instalacions acompanyaus por a directora, Pilar Espuña. a consellera d’Educación ha amostrau o suyo goyo de que Ontinyena conte con un nuevo centro educativo porque “quan en un lugar femos a devantadera d’una escuela quiere dicir que ye vivo, que ye un municipio que creixe”, y ha adhibiu que “hue ye o prencipio d’una nueva andadura educativa en Ontinyena”. a consellera ha destacau que “a educación ye progreso” y que os suyos pilars han d’estar “a libertat y calidat”. Ta que ixa calidat sía posible “fan falta infrastructuras adequadas, profesors motivaus pero tamién alumnos ilusionaus, con ganas d’aprender porque sin ganas d’aprender, por muito que os mayestros tos quieran amostrar, no plegaremos a garra puesto”, ha sinyalau.

D’atra man, antis de fer a devantadera d’o colechio Sant Gregorio, Dolores Serrat ha estau recibida en o Concello por a corporación municipal. Dende astí s’ha tresladau a o Centro Esportivo O Basal an que ha participau en la entrega de trofeos d’o 28º Cros Escolano Baixo Cinca-Monegros disputau por amán de 200 escolars d’entre tres y once anyos.

Fuent: http://www.comarcas.es/index.php/mod.noticias/mem.detalle/idnoticia.6660/relcategoria./chk.2ce7daea17b3b3cebbc2389dc76e3a96.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.