Opel planeya fabricar 40.000 vehiclos menos en 2012

6700 triballadors habrán d'acullir-se a o desempleyo parcial

Protesta de CGT contra l'ERE en a GM (Foto: Diagonal)

Protesta de CGT contra l'ERE en a GM (Foto: Diagonal)

Opel reducirá a suya producción en a planta de Figueruelas l’anyo venient y 6.700 triballadors habrán de acullir-se a o desempleyo parcial, seguntes publica huei o Frankfurter Allgemeine.

L’achuste prencipiará iste mes de noviembre, y o venient d’aviento, y s’estendilla por tres semanas ta os triballadors d’a planta.

Son os numeros de l’ERE sinyau por o comité d’interpresa fa un mes y criticau por sindicatos como CGT u SOA. Un vocero d’a interpresa ha segurau amás, que a reducción de produccion podría estendillar-se enta atras plantas, siempre seguntes o mercau.

En Figueruelas, a produccion pasará de 370.000 vehiclos a 330.000, luen d’a produccion prevista de 460.000 vehiclos. Por l’inte, seguntes a interpresa, iste achuste ye unico y no s’asperan mas cambeos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.