Orden de detención internacional contra quatro torturadors franquistas

A causa ubierta en Archentina contra os crimens d'o franquismo contina o suyo curso. A chueza archentina María Servini ha emitiu una orden de detención contra quatro torturadors franquistas

Representación de victimas d'o franquismo. Foto: Xanti Fakir

Representación de victimas d’o franquismo. Foto: Xanti Fakir

A chueza archentina María Servini ha emitiu una orden de detención internacional contra quatro torturadors franquistas en base d’a querella mesa en iste país contra contra os crimens d’o rechimen dictatorial espanyol. Ana Messutti, advogada d’as victimas ha manifestau que “somos debant d’un momento historico“. D’os quatro torturadors, en vive tres: l’exguardia civil Jesús Nines Aguilar, de 74 anyos; l’excomisario José Ignacio Giralte González, de 71, y l’exinspector José Antonio González Pacheco, “Billy O Nino”, de 67. Celso Galván, quarto imputau, morió en 2009.

Agora, o Gubierno espanyol habrá de responder a o requerimiento d’a chueza archentina. Fuents d’o Ministerio de l’Interior espanyol comentan que a policía aspera a orden de detención y que a policía ye obligada a detener a istas tres personas. Una vegada detenius, pasarían a disposición de l’Audiencia Nacional, que decidiría sobre a suya extradición ta Archentina. Manimenos, o Consello de Ministros espanyol sería qui aprebaría finalment a extradición u no. Dica agora o Gubierno espanyol s’ha negau a colaborar con a chusticia archentina en iste caso.

En o caso de que a la fin se negase o Gubierno a extraditar-los, a Interpol podría detener-los en caso de que salisen de l’Estau espanyol. O Gubierno espanyol no tien un plazo pa que se cumpla o requerimiento, manimenos l’advogada d’as victimas considera que habría d’estar un plazo de tiempo razonable, como muito seis meses.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.