Organizan una cursa natural en aragonés por a redolada de Lituenigo

L'actividat, que organiza a colla de Nogara en Tarazona, chunta naturaleza y luenga en l'entorno d'o Moncayo.

cartelConoixer as plantas y animals d’a redolada y fer-lo en aragonés” ye un d’os obchectivos de l’actividat que han organizau ta iste sabado a Colla Gonzalo Ferrer (con siede en Tarazona) de l’Asociación Cultural Nogara, con l’aduya de l’Asociación Los Ancebillos de Lituenigo.

A chornada prencipiará a las 11 d’o maitín, salindo dende Lituenigo y fendo una cursa natural por a redolada. Se i charrará d’as plantas y os animals que se i pueden viyer, antimás de l’entorno natural que bi ha. “As actividatz se ferán en aragonés a un libel simple ta que totz puedan entender-lo, y destacar asinas, a relación d’ista luenga con os nombres tradicionals d’as plantas y animals en a nuestra redolada”, anuncian dende a organización.

A las 14, en a Fuent d’os Ancebillos se ferá una “chenta d’alforcha” a on que cadagún alportará bella cosa de virolla. De tardis, se ferá tamién una charrada y debat sobre tot lo visto en a cursa d’o maitin. T’apuntar-se-ie u demandar más información se puede clamar a lo numero 609617687 u escribir a tarazona@nogara-religada.org

2 Rispuestas a Organizan una cursa natural en aragonés por a redolada de Lituenigo

  1. Pingback: Organizan una cursa natural en aragonés por a redolada de Lituenigo | Arredol | La Franja

  2. Pingback: Organizan una cursa natural en aragonés por a redolada de Lituenigo | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.