Os actos de meyodiyas levan a vada por tot Aragón

A vada se deixa notar en os actos convocaus iste meyodiya en muitas localidatz d'Aragón

paraninfo

Estudiants protestando en o Paraninfo

Os actos de meyodiyas han feito vistera a vada por tot Aragón. Decenas de localidatz han celebrau actos reivindicativos por as suyas plazas y carreras.

En Zaragoza, o centro ye estau o scenario de movilizacions de toda mena. As Mareas Verda, Blanca y Narancha han levau a suyas reivindicacions por as carreras zaragozanas. Poco dimpués un piquete anti bancos sinyalaba a istas entidatz como culpables d’a crisi y feba accions en belunas d’as suyas sucursals. Os estudiants de totz os rans d’amostranza tamién se son unius t’os actos, fendo una gran concentración en o Paraninfo. Bells puestos sinyalers, como El Corte Inglés u belunas d’as botigas d’o Paseu Independencia tamién han baixau as suyas persianas, debant d’a presión d’os vaders. En os chuzgaus d’a carrera Prudencio, una concentración ha demandau a libertat de dos personas acusadas de estricallar uns caixers ista nueit.En Uesca o bicipiquete ha contau con bellas 70 personas y tamién bi ha habiu un piquete contra os bancos, organizau por a Plataforma Stop Desafucios. En Teruel, a vada s’ha deixau notar en a Universidat a on que, seguntes informa Arainfo, tasament i son ius 20 alumnos.

Atras concentracions, manifestacions y actos s’han feito en lugars, como Chaca, Sarinyena, Caltayú, Castilló de Sos, Alcanyiz, L’Aínsa, Monzón, Balbastro, Caspe, Fraga, u Benás, en beluns d’ells a tamás d’a plevia que ye cayendo.

Vaders manifestando-se debant de El Corte Inglés

Vaders manifestando-se debant de El Corte Inglés

 

A marea narancha (Foto: Arainfo)

A marea narancha (Foto: Arainfo)

 

 

 

Manifestants en esfensa d'a sanidat publica

Manifestants en esfensa d’a sanidat publica

 

 

 

 

 

 

Concentración baixo a plevia en Alcanyiz (Foto: Arainfo)

Concentración baixo a plevia en Alcanyiz (Foto: Arainfo)

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.