Os asteroides mas amanaus o 23-D y o 15-F

Bells asteroides son cusiraus por os scientificos ta prevenir bell impacto contra a Tierra, manimenos os venients que nos visitarán no suposan garra risque

asteroidesL’asteroide 2012 XM55 de 16 metros, pasará a 3 vegadas a distancia d’a Luna, o 23 de deciembre, dimpués d’o paso d’o 2012 XB112 o día 14. Mientres, l’asteroide mas cusirau i plegará o 15 de febrero de 2013. Se tracta d’o 2012 DA14, de 79 metros de diametro, y pasará a solament uns 34.000 kilometros de distancia.

Un chicot asteroide de 17 por 37 metros de diametro denominau 2012 XB112 pasó o 14 de deciembre entre a Luna y a Tierra. Os astronomos fan un seguimiento d’iste nuevo visitant espacial, observau por primer vegada l’11 de deciembre. Seguntes o rechistro de Cuerpos Amanaus a la Tierra (NEO) d’a NASA, l’asteroide 2012 XB112 pasó a las 15:05 UTC a una distancia de 315.000 kilometros d’a nuestra planeta, en o suyo mayor amanamiento mientres orbita o Sol. Será a l’equivalent de 0,8 vegadas a distancia d’a Luna, que orbita a 384.000 kilometros.

A distancia mediana d’a Luna t’a Tierra ye d’unos 384.402 km, u o que ye o mesmo, 1,3 segundos-luz.

O 15 de deciembre, a las 10:01 UTC, estió a 375.000 kilometros d’a Luna ta dimpués continar o suyo viache y bi tornará o 18 de marzo de 2014.

L’asteroide viacha a una velocidat de 13 kilometros por segundo y por as suyas caracteristicas no s’aspera que constituiga garra risque. Con tot y con ixo, os astronomos fan seguimientos a totz os Cuerpos Amanaus en a Tierra, ya que unos quantos pueden veyer-se afectaus por a fuerza de gravedat d’a nuestra planeta y o nuestro satelite.

Unatro amanamiento recient estió l’asteroide 2012 XM16 de 42 metros, o 16 de deciembre, a 3,1 vegadas a distancia d’a Luna.

L’asteroide 2012 XM55 de 16 metros, pasará a 3 vegadas a distancia d’a Luna, o 23 de deciembre.

Fuent: http://noticies.sirius.cat/2012/12/els-asteroides-mes-propers-el-23-d-i-el.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.