Os avions habrán de bosar por a contaminación que fan

O Tribunal de Chusticia europeu lo ha decidiu asinas ta totz os avions que despeguen u aterricen en territorio europeu

Terminal de l'aeropuerto de Zaragoza (Foto: Juan50300)

Terminal de l'aeropuerto de Zaragoza (Foto: Juan50300)

A chusticia europeya ha refirmau que os avions que aterricen u despeguen en tierra europeya habrán de bosar por a contaminación que creyan. Ista decisión se prene dimpués d’a demanda d’as interpresas aeronauticas d’Estaus Unius que demandoron iste impuesto debant d’a chusticia britanica. Iste país consultó alavez a lo Tribunal Europeu.

Dende o venient uno de chiner, os avions que toquen tierra europeya bosaran seguntes o CO2 que faigan. Bruselas ha reconoixiu que isto podría puyar o billet d’avión entre 1’8 y 9 euros en vuelos aintro d’a Unión Europeya y bells 12 euros en esnavesar l’ociano.

A tamás d’as queixas de EE.UU. y China que ya han menazau con ‘prener midas’, a chusticia europeya indica que o impuesto cumple con l’alcuerdo de ‘cielos ubiertos’. Antimás, en un primer inte, as interpresas aeronauticas no habrán de bosar dica o 85% d’as tasas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.