Os bombers d’A Litera protestan contra os despidos

O pleno d'A Litera ha rebaixau de 11 dica 4 os bombers d'a plantiella anti-incendios

Protestas d'os bombers d'A Litera (Foto: somoslitera.es)

Protestas d'os bombers d'A Litera (Foto: somoslitera.es)

Os bombers d’a redolada d’A Litera han decidiu trancar-se en o propio parque de bombers ta concarar a reducción de presonal y presupuesto alcordada o lunes en o pleno d’a redolada.

L’alcuerdo d’o pleno extraordinario despide a 7 d’os 11 bombers profesionals que tiene o parque. A propuesta saliba con os votos a favor d’o gubierno PP-PAR y os votos en contra de PSOE y CHA.

O president d’a redolada, Antonio Fondevila, ha dito que ye una qüestion economica, por manca de presupuesto. Fondevila ha amostrau a suya disposición a revisar os sueldo a la baixa d’os bombers ta mirar de mantener bell puesto de triballo.

Dende o gubierno, o conseller Antonio Suárez, ha dito que os despidos son nomás responsabilidat d’a Redolada, pero que o gubierno veilará por cubrir o territorio si cal con efectivos d’as redoladas que fan buega con A Litera.

2 Rispuestas a Os bombers d’A Litera protestan contra os despidos

  1. Una vergonya. Dimpues ya veyeremos o que pasa en l’estiu.

  2. Asti se chitaran a bola de uns ta otres. Ya vieremos o que pasa cuan dengun acuda a solucionar alguna esferra importan; u nos lo feran os nuestros vecins de l’este???

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.