Os cambrers sin formación podrán acreditar os suyos conoiximientos

O departamento d'Educación preba asinas de "amillorar a emplegabilidat" d'os treballadors d'a hostelería

Alumnalla d'hostelería en l'IES Matarranya (Foto: D.Ch.A.)

Alumnalla d’hostelería en l’IES Matarranya (Foto: D.Ch.A.)

Os cambrers que no haigan feito estudios d’hostelería podrán conseguir una acreditación d’os conoiximientos suyos a partir d’agora. A D.Ch.A. ha empentau una convocatoria ta qui tienga experiencia profesional u formación o reglada en bars, cafeterías y restaurants puedan acreditar ixos conoiximientos d’una traza certificada.

Con iste programa, o departamento d’Educación quier que istas personas “puedan amillorar a suya emplegabilidat, enamplando as posibilidatz de trobar un treballo u d’amillorar o que ya tiengan. O plazo ta presentar a solicitut remata o 21 de mayo.

A convocatoria ye endrezada ta qui haigan teniu tres anyadas d’experiencia laboral con un minimo de 2.000 horas treballadas en as zaguers diez anyadas. Qui quieran participar-ie en o proceso por tener formación no formal habrán de documentar bellas minimas horas recibidas. A encargada de fer o proceso d’evaluación y acreditación de competencias ye l’Achencia d’as Qualificaciones Profesionals d’Aragón y o centro chestor t’o procedimiento será o CPIFP Sant Lorient de Uesca. Os requisitos ta demandar una plaza se pueden consultar en goo.gl/RitWt.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.