Os chardiners de FCC se tornan a movilizar contra as retalladas

Fa tres meses estioron de vada mientres 24 diyas. O 2 de febrero han convocau una concentración en o Paraninfo de Zaragoza

Manifestación d'os treballadors de FCC o pasau Setiembre (Foto: Primo)

Manifestación d'os treballadors de FCC o pasau Setiembre (Foto: Primo)

Os treballadors de FCC Parques y Chardins de Zaragoza van a prencipiar a fer moxilizacions dimpués de que interpresa decidise ‘retallar chornals, dreitos socials conseguius y aplicar a doble escala de chornals precarizando encara más os treballadors eventuals’ seguntes dicen en un comunicau.

Os treballadors d’a contrata municipal, han denunciau publicament a decisión unilateral y sin mica negociación, d’a interpresa, de retallar chornals y beneficios social, ‘aventando d’una vegada todas as conquistas laborals y socials conseguidas en as zaguers vinte anyadas’, sinyalan. ‘FCC introduce tamién a doble escala salarial, contribuyindo a que bi haiga treballadors de 1ª y treballadors de 2ª, en una prebatina esclatera de trestallar a la plantilla, precarizando encara más a los treballadors eventuals’, indican en o suyo manifiesto.

Os treballadors informan de que ‘tres meses dimpués de que a plantilla de parques y chardins estase 24 diyas de vada indefinida en esfensa d’os dreitos suyos, FCC torna con a suya cutiana traza d’actuar enrestido y concarando-se con os treballadors, y aplicando as siguients retalladas: baixada d’os chornals, desapareixión d’os puents, negación d’ascensos de categoría alcordaus, cambio d’o rechimen de vacacions, baixada de gratigicacions socials (fillos, chubilación, casorio, …) y sacada d’as horas t’acompanyar a fillos de menos de siet anyadas u disminuidos a lo medico especialista’.

Antimás, desichen ‘o respeto d’o pacto laboral vichent, asinas como a negociación d’un nuevo pacto laboral digno’. Ta conseguir-lo, apuntan a ‘lo concello y a todas as collas municipals, como maximos y unicos responsables d’o servicio municipal de parques y chardins, y debant d’a nueva adchudicación d’a contrata en istos meses, ta que guarancien os dreitos d’os treballadors y treballaderas y faigan constar a negociación d’un nuevo pacto en a contrata’.

 

Fuent: http://arainfo.org/2012/01/los-jardineros-de-fcc-se-vuelven-a-movilizar-contra-los-recortes/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.