Os chueces echipcios fan boicot a la nueva constitución de Mursi y no supervisarán o referendum

Ahmad Al Zand, o president d'o Club d'os Chueces, que ye a prencipal asociación d'a machistratura echipcia, anunció que os machistraus han acordau no supervisar o referendum sobre a nueva Constitución

Mohamed Mursi. Foto: Wikimedia Commons

En una conferencia de prensa aintro d’a siede de l’Organisme en O Caire, Al Zand ha explicau que os miembros de l’Asociación han decidiu por unanimidat de fer boicot a la consulta popular convocada por o president echipcio, Muhammad Mursi.

O Comité Constitucional aprebó o viernes pasau, de traza inesperada, os 234 articlos d’a nueva Constitución, cara a os creixents movimientos de protesta contra Mursi, y a favor de l’ixample d’os suyos poders presidencials con a fin d’aturar l’intento d’os chueces de modificar a mayoría islamista aintro d’o Comité Constitucional.

O prochecto, que os echipcios votarán en referendum o 15 d’aviento, consagra a sharia como fuent prencipal d’a lechislación. Os laicos, os liberals y os cristianos lo consideran como una traición a la revolución y una vía t’a islamización forzada d’o país.

Fuent: http://www.jornalet.com/nova/1115/los-jutges-egipcians-fan-boicot-a-la-nova-constitucion-de-mursi-e-supervisaran-pas-lo-refe

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.