Os ciudadans podrán presentar on line queixas y sucherencias t’o gubierno

L'aplicación se puet fer servir dende a web www.aragon.es

pantallazoDende fa bells diyas a ciudadanalla aragonesa ya puet presentar tamien dende internet as suyas queixas y sucherencias t’o gubierno. Antimás de no fer servir papel bi ha atras avantallas como una mayor achilidat en a tramitación u que qui presente a queixa podrá consultar l’estau d’a suya tramitación.

Ista ferramienta complementa a l’unico procedimiento que se feba servir. Dica agora caleba ir de traza presencial ta qualsiquier rechistro y presentar un formulario normalizau. Iste se inviaba t’o Servicio de Información y Documentación Administrativa, t’as unidatz afectadas en cada caso y t’a Inspección Cheneral de Servicios, proceso que caleba repetir a la inversa en contestar-se a queixa. Agora tot ixe proceso se simplifica a-saber-lo.

Ta presentar as queixas y sucherencias, a l’usuario d’iste servicio le caldrá fer servir o DNI electronico t’a suya identificación u un certificau dichital reconoixiu.

 

Una rispuesta a Os ciudadans podrán presentar on line queixas y sucherencias t’o gubierno

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.