Os cluxiuesos liberaus en chulio ya i son feitos a o meyo.

As dos crietas de cluxiuesos liberadas a finals de chulio por a Fundación para la Conservación del Quebrantahuesos (FCQ) en o Pireneu se i han feito correctament a la vida en libertat.

Cluxiuesos en a val d'Escuain. Autor: Lucía López Marco

Cluxiuesos en a val d'Escuain. Autor: Lucía López Marco

Seguntes explanicó lo president d’a FCQ, Juan Antonio Gil, os fillesnos ya han superau a fase mas critica de l’aclimatación. Os tecnicos son agora a l’aspera de que faigan servir o comedero instalau en a val d’Escuaín, porque “en iste inte sabemos que ya han localizau un punto an que pueden trobar birolla siempre, nos quedamos tranquilos”. Dica agora minchan o sustento que les dan os tecnicos d’a FCQ a mán d’o puesto an que estión criaus, pero “lo normal ye que no tarden guaire en acudir a o comedero destinau ta la especie”, apuntó Gil. L’asistencia a iste punto manteniu por personal d’o Parque Nacional d’Ordesa ye clau ta o desenvolique d’os cluxiuesos criaus en cautividat, ya que asti interactúan con mas exemplars d’a mesma especie y pueden uellar o suya traza de comportar-se.

As dos crietas de cluxiuesos liberadas iste anyo estión rescatadas de sendos niedos en o Sobrarbe y a Chacetania a primers d’anyo. En totz dos casos se tractaba d’una puesta con altera probabilidat de fracaso, seguntes se dedució de l’ocurriu en anyos pasaus. Dimpués d’a rescatadura, os uegos de María y Luisa, como se dicen istos fillesnos de cluxiuesos, se trasladón a o centro de rescate y cría en isoladura humana, situguau en La Alfranca, an que eclosionón. Dimpués, tecnicos d’a fundación levón a las crias a o Parque Nacional d’Ordesa y d’as Tres Serols.

Astí o Gubierno disposa d’una plataforma instalada en a val d’Escuain en a que os animals pueden uellar y interactuar con os suyos concheners mientras que son alimentaus artificialmet por os umans. D’ista traza escomencipión a conoixer o meyo en o que vivirán mientras yeran fillesnos. A ideya d’a FCQ yera soltar-los en verano en os Picos d’Europa -an que s’extinguión fa anyos- ta recuperar una población estable en ixe Parque Nacional. Man y menos, debiu a una decisión politica d’o Gobierno d’Aragón se quedón en a comunidat, an que a especie ya ye asentada.

Agora, os fillesnos tienen cosa más de 150 diyas y os tecnicos d’a fundación continan os suyos movimientos ta comprobar que se desenvolican seguntes o previsto. “En no tener pays os primers dias cal estar a la tisba de que minchan bien y evolucionan adecuadament”, apuntó Gil, qui tamién remeró que encara no han reyalizau grands desplazamientos. María y Luisa continan en as inmediacions de l’aria de suelta, pero segunte reconoxión dende a fundación, isto ye normal. Si tot contina como dica agora, estará en agüerro u hibierno cuan enceten a mover-se por puestos más luens.

Respecto a lo suyo proceso d’adaptación, tamién cal destacar que María ha estau alimentada por atros adultos, encara que siempre ha d’existir una relación de descendencia en istos casos.

Actualment en o Pirineu viven 73 parellas, o que suposa quasi o 50% d’a población total, que ye l’unica aria d’Espanya con población estable.

Fuent: http://www.quebrantahuesos.org/htm/es/noticias/control?zone=pub&sec=not&pag=ver&id=937&loc=es

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.