Os Concellos de Mequinenza y Barcelona sinyan un convenio de colaboración en materia de cultura

Totz dos concellos sinyan un convenio de colaboración cultural de quatro anyos arredol d'a recuperación de patrimonio, a luenga catalana y o escritor Jesús Moncada

O escritor aragonés en luenga catalana Jesús Moncada rodiau d’os suyos libros

O escritor aragonés en luenga catalana Jesús Moncada rodiau d’os suyos libros

A sinyadura se realizó en a devantadera d’a exposición “Mequinensa, fotografies de Jesús Moncada”, que podrá visitar-se dica o 27 d’abril en ‘El Born Centre Cultural’ de Barcelona.

L’Alcaldesa de Mequinenza -Cinca Baixa-, Magda Godia -PSOE-, y o Tenient d’Alcalde d’o Concello de Barcelona, Jaume Ciurana -CiU-, sinyoron iste convenio que tien una duración de quatro anyos prorrogables. O documento sienta as bases “d’a promoción y cooperación cultural entre totz dos municipios y particularment orientau a colaborar en a recuperación d’o patrimonio, fomentar a lectura y l’aprendizache en luenga catalana y en todas as actividatz arredol d’o escritor y traductor Jesús Moncada”.

Todas dos institucions se comprometen “a cooperar en totz os ambitos relacionaus con a cultura, mirando estratechias de colaboración que permitan d’enriquir y desenrollar accions culturals en esquimen d’os suyos ciudadanos”. En especial se tracta de “compartir os aspectos que fan referencia a la cultura, a luenga, a recuperación d’o patrimonio historico y a promoción d’o turismo cultural”.

Una iniciativa que, seguntes Godia, “ferá honra pa dar un nuevo empente a o nuestro compleixo museístico y especialment a tot lo relacionau con Jesús Moncada” y que, tal como s’especifica en o documento, “reconoixe a labor que somos fendo en a recuperación d’o nuestro patrimonio historico y cultural y a suya mesa en valor como polo d’atracción d’o turismo cultural” en a Cinca Baixa.

Fuent: http://arainfo.org/2014/04/los-ayuntamientos-de-mequinensa-y-barcelona-firman-un-convenio-de-colaboracion-en-materia-de-cultura/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.