Os diaples d’a Uerva fan 20 anyadas celebrando-lo con un “diya de l’argüello diaple”

Mientres tot lo sabado bi habrá chuegos, charradas y a prochección d'un documental.

Os diaples en una actuación en o festival Tamborilé de 2010

Os diaples en una actuación en o festival Tamborilé de 2010

Os diaples d’a Uerva, una d’as collas culturals más populars d’Aragón, ye celebrando as suyas vinte anyadas fendo mosica y fuego por tot lo país y dillá d’as mugas aragonesas. Iste sabado han programau en Zaragoza un “diya de l’argüello diaple” a on que ferán conoixer a suya faina mientres todas istas anyadas antimás de pasar un buen ratet con os suyos seguidors.

De maitins, l’acción será en a marguin dreita de l’Ebro, entre os puents de Fierro y d’As Fuents, a on que bi habrá chuegos tradicionals aragoneses. Podrá participar-ie tot qui se i amane. De tardis, en o local Treziclo, se ferán quate chicotas charradas. Jesús Rubio charrará sobre a recuperación d’o baile d’os salvaches de Benavarri, Chusé Aragüés sobre “Como se forma a luenga aragonesa”, Chesús Casaus sobre “Os diaples en a cultura aragonesa” y rematarán Carlos Casamián y Chuan Burriel con una charrada sobre o “Prencipio, realidat y actualidat de Diaples d’a Uerva”.

Dimpués d’un chiquet descanso, a chornada rematará con a prochección, a las 20 en o local Treziclo de “A leyenda d’o Diapleron” y as primers imachens d’o documental sobre os “Diaples d’a Uerba”.

 

Una rispuesta a Os diaples d’a Uerva fan 20 anyadas celebrando-lo con un “diya de l’argüello diaple”

  1. Pingback: Os Diaples d’a Uerba fan 20 anyadas celebrando-lo con un “diya de l’argüello diaple” | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.