Os diputaus d’o PAR en o Senau espanyol refusan un trescole, mientres que o PP s’abstiene

Os cinco senadors d'o PP trencoron a disciplina d'o partiu, abstenendose mientres que os suyos companyers refusoron a iniciativa contra os trescoles

Una iniciativa en o Senau espanyol d’a Entesa catalana de Progrés, obligó ahiere a os senadors aragoneses a prener una posición debant d’un posible trescole. A iniciativa refusaba cualsiquier intinción de fer trescoles de cuenca. O PP refusó ista iniciativa, fueras d’os cinco senadors trigaus t’o Senau espanyol por Aragón que s’abstenioron, encara que dos d’ells yeran de baixa, por o que no ye posible saber si estió una decisión meditada u nomás porque no yeran presents. Os tres senadors d’o PAR, a tamás que son en coalición ta iste organo parlamentario con o PP, votoron a favor d’a iniciativa refusando asinas cualsiquier trescole de cuenca. Os ueito podrian estar expedientaus por a colla parlamentaria popular, encara que en o pacto de gubierno en Aragón ya se contemplaba ista posibilidat.

Os atros senadors aragoneses, d’o PSOE, no trencoron a disciplina de partiu y s’abstenioron con a resta d’a colla parlamentaria suya. A iniciativa, amás, estió refusada por a mayoría popular, por o que a decisión d’os senadors d’o PP aragonés y d’o PAR no tenió garra efecto practico.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.