Os encierros d’a Marea Verda tornan t’as escuelas d’Aragón o 7 de noviembre

"Marea Verda Aragón no se queda indiferent debant d'as continas mentiras d'o gubierno y clama a participar en ista 'Chornada de luita'" dicen en un comunicau

Protesta contra as retalladas en educación o pasau 21/08 (Foto: Primo)

Protesta contra as retalladas en educación o pasau 21/08 (Foto: Primo)

A Marea Verda en Aragón ha confirmau que, dimpués de l’exito d’a vaca d’estudiants, prencipiará de nuevas a intensificar un calendario de protestas que no ha aturau en toda l’anyada. Por ixo, han tornau a convocar a toda la comunidat educativa a participar en una “chornada de luita” fixada t’o venient 7 de noviembre, como antesala d’a vaca cheneral convocada por os sindicatos espanyols.

” A ‘Chornada de luita’ se ferá mientres toda a tardi d’0 miercols con a posibilidat de que se prolargue dica la maitinada, ya que os asistents podrán encerrar-se ta manifestar una vegada más o suyo refús debant d’as continas retalladas y a futura lei LOMCE”, diz o comunicau que Marea Verda ha inviau t’os meyos de comunicación. D’ista traza, pais y mais, de conchunta con docents y personal d’a comunidat educativa, protagonizarán una nueva chornada a on que se analizarán as repercusions d’as retalladas en Educación asinas como as conseqüencias que podría trayer aprebar a Lei LOMCE, calificada por a Marea Verda como “una lei antidemocratica, segregadera y que suposará que a calidat de l’Amostranza Publica siga pior”.

Una convocatoria que se fa tasament una semana antis d’a segunda vada cheneral de l’anyada y que se deembolicará en o marco d’os clamaus “miercols verdes”, que se ferán servir ta “concienciar a la comunidat educativa d’a estafa, y no crisi, con que chustifican que os presupuestos ta servicios publicos alazetals, como Educación u Sanidat, se sigan esbarrando ta pagar a la banca”, dicen.

 

Fuent: http://www.aragon2.com/n-20361-2-encierros_Marea_Verde_vuelven_colegios_Aragon_7_noviembre

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.