Os engarcholaus d’ETA s’adhiben a l’alcuerdo ta un alto lo fuego permanent

O proceso de riflexión d'os engarcholaus d'a banda ha rematau en un comunicau adhibindo-se a o clamau proceso democratico

Rueda de prensa de familiars de presos d'ETA (Foto: ukberri.net)

Rueda de prensa de familiars de presos d'ETA (Foto: ukberri.net)

Os miembros d’ETA en as garcholas espanyolas han feito un comunicau (en euskera) en que s’adhiben a os alcuerdos de Gernika que demanda a la banda un “alto lo fuego, permanent y unilateral”, mientres que a o Gubierno espanyol, demanda cambeos en as politicas penitenciarias y una amnistia parcial.

En o comunicau, que ha estau ninviau ta o diario Gara, os presos dicen querer empentar o proceso democratico dica o suyo final. Os sinyants de l’alcuerdo de Gernika heban feito plegar una carta a os presos ta que refirmasen o proceso, pero dende chunio, no s’heba produciu garra rispuesta. Dende quasi totz os partius, fueras d’o PP,  a noticia estio acullida como un trango entabant, y mesmo dende o PSOE (que gubierna en Espanya y o Pais Vasco), se dicio que o trango yera “important”, porque no s’heba conoixiu garra noticia parellana.

Dende o PP d’o Pais Vasco, Leopoldo Barreda cretico a carta dicindo que nomás ye “más d’o mesmo” y que no suposa garra trango enta la paz.

Una rispuesta a Os engarcholaus d’ETA s’adhiben a l’alcuerdo ta un alto lo fuego permanent

  1. A sucosa posibilidat de fer servir a luita cuentra ETA con fins electorals, a menos de dos meses de as eleccions, ye masiau retantadera ta o PSOE y, sobre tot, ta o PP. Asperemos que tiengan razón os que piensan (os que deseyamos) que ista declaración de os presos sía un trango enta debant en a fin de o terrorismo d’ETA. Y asperemos que a dreita espanyola no meta por debant os suyos intreses electorals agora que a paz definitiva pareix estar un poquet más cerca.

Responder a paz Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.