Os Espacios Nordicos d’Aragón achugan por o desenvolique d’o sector por a vía turistica y esportiva

Contan con 138 kilometros enclavaus en espacios naturals protechius.

Francisco Bono trobada (Foto aragonhoy.net)

Francisco Bono chunto con os representants de l'Asociación d'Espacios Nordicos d'Aragón. (Foto: aragonhoy.net)

O consellero d’Economía y Emplego d’o Gubierno d’Aragón, Francisco Bono, se trobó ahiere con quantos representants de l’Asociación d’Espacios Nordicos d’Aragón.

Os ueito circuitos de cross-county ski d’Aragón han creyau ista asociación con a finalidat de conformar una entidat estable que incluiga a os diferents espacios nordicos d’Aragón, os existents y os que se puedan creyar ta desenvolicar iste sector por a vía turistica y esportiva, achuntar esfuerzos en a millora constant y reivindicar os espacios nordicos dentro d’o sector de la nieve en Aragón.

O suyo president, Mario García (de Plans de l’Hespital); o vicepresident, Juan Patallo (de Fanlo-Vallivió) y Ana Marín d’Oza- Gabardito han tresladau a o consellero os obchectivos de l’asociación. Destacan l’empente y desenvolique d’o ski nordico y as diferents modalidatz esportivas que en istes espacios se pueden practicar. Establir os espacios nordicos como motor de desenvolique d’os territorios an se troban situaus. Treballar t’a creyación de normativa interna y externa que aduye a regular os espacios nordicos d’Aragón y a practica d’os esportes que en ells se fan. Treballar por a millora d’os propios circuitos y d’as suyas infrastructuras. Y emparar as actividatz nordicas como esporte empentando a reyalización de competicións en os espacios nordicos d’Aragón.

Os circuitos de cross-county ski que fundan l’Asociación d’Espacios Nordicos d’Aragón son: Candanchú, Fanlo- Vallivió, Linza, Lizara, Plans de l’Hespital, Muela de Sant Chuan, Oza- Gabardito y Pineta.

Fuent: http://www.aragonhoy.net/index.php/mod.noticias/mem.detalle/area.1037/id.108951

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.