Os esqueferaus de larga duración que pasen mas de tres meses en l’extranchero pueden perder l’asistencia sanitaria

A mida, empentada por o PP, entró en vigor l'1 de chinero

centro-salud-valdespartera-foto-cronica-de-aragon-300x200Qualsiquier ciudadano con pasaporte espanyol se puede quedar sin dreito d’atención sanitaria si no’n tien de treballo, ha acotolau o subsidio de desocupación u prestacions pareixidas y pasa mas de tres meses difuera d’o estau espanyol en un anyo. Ye o resultau de dos esmiendas que introdució o Partiu Popular en o prochecto de lei d’o presupuesto t’o 2014 y que entró en vigor l’1 de chinero. Os cambeos en a lei de sanidat y a d’a Seguridat Social limitan a cobertura sanitaria publica a os esqueferaus en l’extranchero, un colectivo en aumento constant por a crisi.

As esmiendas se publicoron en plenas fiestas de Nadal en o Boletín Oficial d’o Estau y estableixen, radiu y curto, que as personas sin treballo, que haigan acotolau a prestación y os subsidios por desocupación, y que se’n vaigan difuera mas de novanta días en un anyo decayen en o suyo dreito d’asistencia sanitaria. Tot o mundo que reuna istas condicions ye considerau dende o día 1 de chinero ‘no resident’ y, si torna t’o estau espanyol, ya no tendrá dreito teoricament a la Seguridat Social.

Entre a tramitación d’a lei presupuestaria, o portavoz de Sanidat d’o PP en o congreso espanyol, Rubén Moreno, confirmó a exclusión, pero i restó importancia porque, aseguraba, o dreito a l’asistencia sanitaria se recuperará ‘automaticament quan se torne ta Espanya‘ si se certifica a residencia. ‘Si pasas mas de novanta días difuera d’o país, deixas d’estar resident espanyol y te conviertes en residente d’unatro país, que ye o que ha de cubrir l’asistencia sanitaria en cuenta d’Espanya con cargo a os suyos impuestos’, chustificaba.

A plataforma YoSíSanidadUniversal, que ha seguiu dende amán a tramitación d’iste cambeo lechislativo, asegura que se confirma agora o que ya se denunciaba fa un anyo, quan o decreto 16/2012 eliminó o dreito a l’atención sanitaria universal ‘no ta cabidar, sino ta cambear o modelo’: ‘Cada vegada i hai mas sectors excluius de l’acceso a la salut publica‘.

Fuent: http://www.vilaweb.cat/noticia/4165342/20140105/desocupats-llarga-durada-passin-mesos-lestranger-poden-perdre-lassistencia-sanitaria.html

Una rispuesta a Os esqueferaus de larga duración que pasen mas de tres meses en l’extranchero pueden perder l’asistencia sanitaria

  1. Pingback: Os esqueferaus de larga duración que pasen mas de tres meses en l’extranchero pueden perder l’asistencia sanitaria | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.