Os estudiants de Bellas Artes de Teruel enguerarán aulas o quatrimestre venient

O quatrimestre venient, os 160 alumnos que agora cursan os estudeos de Bellas Artes en o Campus de Teruel enguerarán aulas.

A Universidat de Zaragoza ha encetau ya o traslau de material a o nuevo edificio y a adaptar os espacios an que s’ubicarán os tallers d’escultura, pintura, serigrafía, debuxo, litografía u fotografí, d’entre atros, seguntes comentó lo lunes a vicerrectora d’o campus teruelano, Alexia Sanz, qui recenó que a modanza se ferá de traza gradual.

O treslau s’ha encetau en periodo vacacional ya que se tractaba de buscar un periodo an que no s’incomodase “o treballo docent d’os estudiants ni as actividatz creyativas y investigadoras d’os professors”, comentó a vicerrectora, qui adhibió que de traza paralela se son fendo a cabo as adecuacións d’os laboratorios y tallers con os que contará la facultat.

O nuevo edificio de Bellas Artes en Teruel, o lunes. (Foto: comarcas.es)

L’edificio, que cuenta con una superficie de bells 6.300 metros quadraus distribuyius en tres suleros y que ha suposau una inversión de 5,7 millóns d’euros, se construyó en 18 meses. Dende o venient quatrimestre, os estudiants de Bellas Artes, agora distribuyius en atras dependencias como as aulas de l’edificio d’a UNED u en edificios d’a propia Universidat de Zaragoza, podrán ocupar a suya nueva facultat.

O nuevo edificio ye pensau ta plegar a albergar a bells 250 estudiants. “Actualment bi ha 45 alumnos por curso, pero con a facultar, ya se ha aprebau a puyada d’estudiants t’o curso academico 2012/2013 en 10 alumnos más”, explanicó Alexia Sanz, qui senyaló que, “s’amenistará establixer a valoración d’a demanda y d’a consolidación d’a propia titulación”, pero confitó en que con iste edificio puedan planteyar-se crexer.

D’atra man, o vicerrector d’Infraestructuras d’a Universidat de Zaragoza, Joaquín Royo, ha confirmau que as mesas y as siellas amenistadas ta equipar as aulas caldrá buscar-las dentro d’o material que bi ha en a Universidat debiu a que manca presupuesto.

Fuent: http://www.comarcas.es/index.php/mod.noticias/mem.detalle/idnoticia.6618/relcategoria./chk.9cc1c0a84e2b8a9f5849a26c4a793167.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.