Os examens ta 719 plazas en o Salud empecipiarán en a segunda mitat de setiembre

As plazas estioron ufiertas gracias a o compromís d'o gubierno aragonés con a Mesa Sectorial de Sanidat

Foto: Gubierno d'Aragón

Foto: Gubierno d’Aragón

719 plazas distribuidas en 57 categorías ta treballar en o Servicio Aragonés de Salut (Salud) estioron ufiertas en 2013, dimpués d’o compromís d’o Salud con os sindicatos representaus en a Mesa Sectorial de Sanidat d’o 9 d’abril d’o pasau anyo.

Os examens ta aconsiguir istas plazas por oposición se celebrarán en a segunda mitat d’o mes de setiembre d’estianyo, y amás de plazas ta especialistas sanitarios, (266 plazas en total) tamién salioron a oposición plazas de medicos de familia, pediatras d’Atención Primaria, celadors, auxiliars administrativos, enfermería… etc. que suman 453 plazas d’as 719.

O Gubierno aragonés considera que con ista acción “amuestra o suyo compromís con o emplego publico y a sensibilidat enta todas aquellas personas que se troban en desemplego y aspiran a tener un puesto de treballo digno”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.