Os fans d’o manga y l’anime se troban en Zaragoza iste cabo de semana

As Jornaicas fan 16 edicions convertidas en tot un referent cultural

cartelIste sabado prencipia a XVI edición d’as “Jornaícas”, as chornadas de manga y anime que se celebra todas as anyadas en Zaragoza y que ye una cita sinyalera en o calendario de totz os fans d’istas expresions d’a cultura chaponesa.

Mientres o cabo de semana o Centro de historias rebutirá d’actividatz: dende una charrada sobre o patrimonio d’a humanidat en Chapón dica un torneu d0 videochuego Street Fighter IV, pasando por tallers, torneus, concursos, conciertos, videochuegos, karaoke u a presentación d’o zaguer numer d’a revista Thermozero y, prou que sí, o concurso de Cosplay a on que a chent se viste como os suyos personaches favoritos.

Como novedatz, en ista edición, se presentan actividatz arredol d’a gastronomía chaponesa de man de Roger Ortuño, autor d’o blog ComerJapones.com. Tamién se i presentará o prochecto solidario “As 100 grudas” de Makiko Sese, en refirme a los afectaus por o tierratremo de Chapón.

Antimás, tanto o viernes como o sabado bi habrá un pase d’o mosical “La leyenda de Zelda – La ocarina del tiempo” interpretau por a colla de teyatro de l’Asociación Tatakae. O programa completo se puet consultar en a suya web www.jornaicas.com.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.