Os fumarretz s’habrán d’amortar solos

Una lei europeya obliga a que os fumarros no se cremen si se deixan sin fumar.

(Foto: Hexenesi)

(Foto: Hexenesi)

Dende o chueves os fumarretz s’hanrán d’amortar solos seguntes a nueva normativa europeya. Ista mida s’ha preso ta mirar de achiquir o risque de incendios asociau a fumarros mal amortaus. Se crei que podría baixar-se en un 43% o numer de victimas de incendios como ha pasau en Finlandia, país a on que a mida ya ye funcionando.

“Os fumarretz seguros no existen y lo más seguro ye no fumar. Pero, si belún decide de fumar, as nuevas normas obligarán a las interpresas tabaqueras a fer nomas fumarretz con tendencia achiquida a pretar-se fuego”, dició John Dalli, comisario de Salut y Protección d’os Consumidors d’a UE.

A mida obliga a os fabricants a meter dos anillos de papel más grueso en dos puntos d’o fumarret. Ixo ferá que no plegue tanto oxicheno y que o tabaco ardendo s’amorte si se deixa de fumar. Iste sistema ya se fa servir tamién en EE.UU. Canada y Australia.

Seguntes datos de Bruselas, entre 2003 y 2008 s’informó de quasi 1000 muertos y 4000 personas feridas en más de 30.000 incendios que l’orichen suyo estió un fumarret mal amortau.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.