Os Ganemos locals d’o sur d’Aragón se chuntan en Montalbán en busca d’una sola candidatura

Bellas setanta personas debatioron sobre estratechias cara t'as esleccions municipals de mayo

Foto: @GanemosTeruel

Foto: @GanemosTeruel

Iste dominche, a Casa de Cultura de Montalbán acullió a celebración d’a primer trobada de Ganemos locals d’o Sur d’Aragón, asistindo-ie bellas 70 personas que son treballando en creyar candidaturas municipals de compleganza ciudadana “Ganemos”, que son en proceso de formación.

“Ye estada una chornada de meter en común y más que más informativa”, explican. A trobada yera endrezada a Ganemos ya constituyius, en construcción y a la ciudadanía que “quier un modelo ta participar dende o suyo propio municipio”.

L’obchectivo d’a chornada yera “meter cosas en común d’as nuestras diferents experiencias y aduyar a qui sigan en fases preliminars u nomás se planteyen qualcosa parellana en o suyo municipio”, anyaden”. D’a mesma traza, se i ha charrau d’afers tocants a coordinación, legalización, acceso a comarcas y diputación“.

“Dende os Ganemos miramos de que en as venients esleccions bi haiga una sola candidatura, promovida por procesos asambleyarios, a on que compleguen todas as personas que quieren cambiar as cosas de verdat. En l’aria municipal, hemos de coordinar-nos. Pensar en as esleccions municipals, suposa pensar en os municipios, as comarcas y as diputacions”, rematan.

Fuent: http://arainfo.org/2014/12/montalban-acoge-hoy-el-primer-encuentro-de-ganemos-locales-del-sur-de-aragon/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.