Os gubiernos d’Aragón y Catalunya podrían fer estratechias comuns ta “esfender a fruita”

Modeslo Lobón se reunión con representants d'os regants d'a Canal d'Aragón y Catalunya

O conseller Lobón reuniu con os regants

O conseller Lobón reuniu con os regants

Os consellers d’Agricultura d’Aragón y Catalunya, Modesto Lobón y Jose María Peregrí, han teniu contactos iste mierques ta mirar de prencipiar a consensuar una serie de propuestas y accions endrezadas a amerar a crisi d’a fruita que os dos países tienen dimpués d’a vieda a la importación decretada por o gubierno ruso.

“O problema ye o mesmo en Aragón y en Catalunya, un problema que s’asienta, entre atras, en una parte muito determinada como ye l’aria regable d’a Canal d’Aragón y Catalunya. Podemos charrar en iste caso d’una zona común y d’un grieu problema común”, ha declarau Lobón.

Istas declaracions las ha feitas dimpués d’a trobada que ha teniu con representants d’a Comunidat Cheneral de Regants d’a Canal d’Aragón y Catalunya. En a reunión, o conseller recordó “as midas propuestas a la Unión Europea por o Gubierno espanyol en o sentiu de que l’impacto d’a crisi no se cargue a fundos d’a PAC sino d’o Fundo de Crisi, que a fruita se pague toda a lo mesmo pre, qualsiquier que siga o suyo destin final, y que o porcentache de retirada plegue en o 30% d’a producción total”.

D’atra man, o President d’os regants, Jose Luis Pérez, recordó que mientres tot l’anyo en l’aria d’a Canal se replegan 800.000 tonelada de fruita, que 200.000 van t’o mercau ruso, quantificando as perdas anyals en 120 millons d’euros entre productors y comercializadors. Pérez s’ufrió a colaborar y refirmar as propuestas d’os gubiernos d’Aragón y Catalunya “ya que en a zona d’influyencia d’a Canal bi ha bellas 12.000 familias que tienen fruita en as suyas explotacions y no pueden estar qui paguen un problema que no ye ni de l’orache ni d’o mercau. Ye un problema que ha creyau a Unión Europea y a Unión Europea ha de pagar o suyo pre, que ya heba d’haber previsto”.

2 Rispuestas a Os gubiernos d’Aragón y Catalunya podrían fer estratechias comuns ta “esfender a fruita”

  1. Pingback: Os gubiernos d’Aragón y Catalunya podrían fer estratechias comuns ta “esfender a fruita” | Arredol | La Franja

  2. Pingback: Aragón y Catalunya podrían defender conjuntamente la fruta ante la crisis UE-Rusia (ARA)

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.