Os lugars d’o Pirineu no quieren pagar o saneamiento si no bi ha depuradora

ADELPA solicita a lo gubierno que remate ista situación discriminatoria

 

Reunión d'ADELPA con o gubierno o pasau aviento (Foto: D.Ch.A.)

Reunión d’ADELPA con o gubierno o pasau aviento (Foto: D.Ch.A.)

ADELPA (Asociación de Entidatz Locals d’o Pirineu Aragonés) solicitará a lo Gubierno que os lugars pirinencos deixen de pagar o canon de saneamiento tant y mientres no tiengan as depuradoras funcionando. Ista situación ye estada denunciada por ista asociación, qui creyen que istos lugars son tenendo un tracto discriminatorio ya que pagan o canon encara que as obras no son rematadas y muitas, de feito, son aturadas.

As obras no se sabe quan rematarán ni quan prencipiarán a funcionar as depuradoras. Dimpués d’una reunión con o IAA (Instituto Aragonés de l’Augua) o president d’Adelpa, Pablo Castán ha transmitiu que “as obras d’os lugars de más de 600 habitadors prencipiarán enta cabo d’anyo u en prencipiar lo venient, entre que as de lugars más chicotz se ferán más enta debant”.

L’asociación, en a reunión feita o lunes, ha expresau a suya preocupación por os cambios en a Lei de Bases, que podría suposar “que desapareixesen entidatz locals menors y que as competencias de muitos concellos pasasen t’administracions superiors” lo que “aluenya a l’administración d’os ciudadans y suposa una perda de servicios.” Dende ADELPA solicitarán tamién una reunión con a Diputación Provincial ta charrar d’iste afer.

Una rispuesta a Os lugars d’o Pirineu no quieren pagar o saneamiento si no bi ha depuradora

  1. O canon y as depuraderas son afers diferents. Quan vamos prencipiar a pagar o canon no se parlaba de fer istas obras. Beluns se depuran as auguas en casa, pero han a pagar o canon igualment. En muitos puestos, como en Chaca, no tienen ni contadors ta lo consumo d’augua…. isto ye atra cacicada d’o partiu presebista.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.