Os macelos d’Ababuj

Scientificos de Dinópolis presentaran manyana os resultaus sobre os macelos de dinosaurio d’o monecipio d’Ababuj (Teruel), a traviés d’o treballo “Icnitas de dinosaurios en a Formación Villar del Arzobispo d’Ababuj (Teruel)”.

Paleontologos de Dinopolis en un descubrimiento en 2010

En a investigación han participau Luis Alcalá, ALBERTO Cobos, Eduardo Espílez, Francisco Gascó, Luis Mampel, Carlos Martín-Escorza y Rafael Royo-Torres. O marco eslechiu ta mostrar ditos enantes ye a 51ª Sesión Scientifica d’a Sociedat Cheolochica d’Espanya, que se celebrará en a localidat castellonense de Cintorres. O tema principal que centrará as comunicacións d’iste congreso estará “O Mesozoico d’a Cordillera Iberica”.

 

ABABUJ, o yacimiento clasico de macelos de dinosaurio d’Ababuj, estió un d’os primers yacimientos d’icnitas descritos en Aragón que se descubrió fa quince anyos. Mientras iste tiempo no s’han deixau de desenvolicar actividatz didacticas y vesitas con especialistas. A más, en l’anyo 2003, estió catalogau como Bien d’Intrés Cultural (BIC) y Conchunto d’Intrés Cultural, Zona paleontolochica por a DChA.

 

A l’atro verano, l’equipo de paleontologos d’a Fundación Dinopolis, reyalizó una revisión y estudeo posterior. L’analisis d’os macelos d’o yacimiento ha permitiu reyalizar una reinterpretación más ampla d’o yacimiento enamplando a conoxedura d’o mesmo y esferenciando, a o menos, tres rastros de macelos de dinosaurios bien definidas y producidas por representants de collas diferents de dinosaurios.

 

A edat d’os sedimentos an que se troban as pisadas de dinosaurios retrocede 145 millons d’anyos en a istoria, a o transito entre os periodos Churasico y Cretacico. D’atra man, gracias a las labors de prospección paleontolochica encetadas en 2010 y continadas mientras iste anyo por l’equipo de Dinopolis y Ababuj y en o termino d’Aguilar de l’Alfambra, s’han descubierto nuevos yacimientos de dinosaurio en totz dos monecipios; tanto con icnitas (macelos) de dinosaurio como con restos directos (uesos).  Os nuevos yacimientos trobaus en totz dos terminos estan siendo catalogaus ta la suya incorporación en a base de datos de yacimientos con dinosaurios d’Aragón , en o marco d’o prochecto Dinosaragón d’o Plan Nacional d’I+D+I.

Fuent: http://www.comarcas.es/index.php/mod.noticias/mem.detalle/idnoticia.6525/relcategoria./chk.8ce3ad8b3bdc382e66379aaf8d015845.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.