Os medios de comunicación d’Aragón, en mans de bells pocos

Un video de menos de tres minutos explica qui son os amos d'os principals medios de comunicación en Aragón.

Medios de Comunicación en Aragón from Gonzalo González on Vimeo.

captura gonzalo

Os medios de comunicación de masas en Aragón son en mans de bellas pocas interpresas, estando Ibercaja a más important d’ellas. Ixa ye a conclusión principal que se puede viyer en o video que fació publico iste mierques en o suyo blog Gonzalo González, Graduau en Publicidat y menador d’o blog “De bislai“.

O video fa un resumen, en dos minutos y meyo, d’as interpresas que son as principals accionistas d’os medios de comunicación más importants por numer de consumidors en Aragón. Prensa, radio y TV pasan un analís economico a on que os datos s’han preso dende o Boletín Oficial d’o Rechistro Mercantil y de bases de datos profesionals d’información financiera y mercantil.

Iste tema, diz Gonzalo, “ye fundamental ta entender porqué bells temas son en o foco y bells atros quedan misteriosament difuera”, y mete como eixemplo o tractamiento d’a prensa sobre “l’expolio a que se sometió a la CAI.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.