Os nuevos consellers d’o Reyal Zaragoza dimiten en menos de diez diyas

Os cesants aseguran que Agapito Iglesias no s'ha alpartau d'a chestión d'o club, como heban demandau

Arenere debant d'os meyos

Arenere debant d'os meyos

Diez diyas han ocupau os suyos cargos Salvador Arenere,  Carlos Iribarren, Fernando Rodrigo y José Guillén. Os nuevos consellers d’o Reyal Zaragoza han presentau a suya renuncia por as esferencias con o propietario d’o club, Agapito Iglesias.

En os zaguers diyas s’heba conoixiu que Iglesias continaba fendo chestions á amagatons d’os nuevos consellers, que ya heban dito que no aceptarian que ningún lis pasase por dencima en as decisions. En un comunicau os consellers han dito que yera obligatorio que Iglesias s’alpartase d’a chestión d’o club, pero ixo no s’ha produciu porque l’interpresario soriano ha continau fendo y desfendo en a Sociedat Anonima esportiva que ye o Reyal Zaragoza.

A situgación d’o Reyal Zaragoza, dimpués d’ista renuncia torna a estar muit dificil, a tamás d’a chicota asperanza que heba trayiu Arenere y a suya desperiencia interpresarial. Huei bi heba una rueda de prensa ta informar d’a nueva organización d’o club, pero agora habrá de fer-se una atra organización con a renuncia d’o nuevo consello.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.