Os países BRICS creyan o suyo propio banco ta esfer-se d’o dolar

Cinco países emerchents quieren achiquir a suya dependencia d'o dolar y l'euro

Bells dirichents d'os países BRICS (Foto: Wikipedia)

Bells dirichents d’os países BRICS (Foto: Wikipedia)

Os países BRICS (Brasil, Rusia, India, China y Sudafrica) tienen previsto creyar o suyo propio Banco de Desembolique a finals de marzo con l’obchetivo de invertir en prochectos d’infraestructuras y desembolique sostenible t’os suyos integrants sin fer servir a moneda nacional d’os Estaus Unius, o dolar. O capital ta prencipiar d’o banco d’a colla formada por istos cinco países s’estima en l’equivalent a un total de 50.000 millons de dolars. Se prevei que a creyación d’o Banco de Desembolique d’os BRICS s’anuncie oficialment en a cumbre que se ferá en Sudafrica os venients 26 y 27 de marzo.

Os BRICS planeyan puyar os fluxos d’inversión, ya que os diners que calen t’a financiación d’os prochectos internos d’a organización podría plegar en 15 billons de dolars en las dos venients decadas. Igualment, l’alianza aspera achiquir a suya dependencia d’as principals economías d’o mundo, eliminando de tot que calga emplegar o dolar y l’euro en as transaccions internacionals.

Un d’os principals argumentos a favor d’a creyación d’o nuevo banco estió precisament o chicot porcentache de refirme a los paises en desembolique de man d’as grans institucions financieras controladas por os Estaus Unius y a Unión Europea.

O pasau mes de chiner, un diplomatico sudafricano encargau d’organizar a reunión de l’alianza anunció que os paises d’o BRICS ya son en momentos de plegar en un alcuerdo ta creyar una entidat bancaria de conchunta. Con ista decisión, seguntes concluyen bells analistas, China aspira a enamplar o territorio d’emplego d’a suya moneda nacional, o iuan, India preba d’atrayer inversions foranas, entre que Rusia mira de fer más fuerte a suya influyencia cheopolitica a causa d’o creiximiento d’os suyos indices economicos.

 

Fuent: http://noticies.sirius.cat/2013/03/els-brics-creen-el-seu-propi-banc-per.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.