Os paises de America Latina y o Caribe expresan debant d’a ONU o suyo refirme a Archentina cuanto a las Malvinas

Representans d'a CELAC, MERCOSUR y UNASUR acompanyoron a Timerman en a suya reunión con Ban Ki-moon

Charrada en a ONU (Foto: Radio ONU)

Charrada en a ONU (Foto: Radio ONU)

O canciller cubano Bruno Rodríguez Parrilla expresó ahiere o refirme d’a Comunidat d’Estaus Latinoamericanos y Caribenyos (CELAC) a los lechitimos dreitos d’a Republica Archentina en o pleito sobre a soberanía d’as Islas Malvinas.

En conferencia de prensa en a siede d’a ONU, Rodríquez remeró lo refirme de totz expresau a Buenos Aires por los chefes d’Estau mientres a recient cumbre d’a CELAC, celebrada en Chile.

“Ye perén o intrés d’o paises d’a nuestra rechión en que os gubiernos d’Archentina y o Reino Uniu reprengan as negociacions, ta trobar, antis con antis, una solución pacifica y finitiva, de conformidat con os pronunciamientos pertinents d’as Nacions Unidas y atras organizacions internacionals”, afirmó Rodríguez.

O canciller cubano tamién consideró que a situación d’ixas islas ye una situación colonial anacronica en as tierras latinoamericanas y caribenyas.

Representatns d’alto ran d’a CELAC, MERCOSUR y UNASUR acompanyoron a o ministro d’exteriors archentino, Héctor Timerman, en a suya reunión d’o pasau martes con o secretario cheneral Ban Ki-moon, ta expresar a solidaridat rechional con a reclamación d’o suyo país sobre as islas.

Fuent: http://www.cronicadearagon.es/wordpress/?p=39548

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.