Os papers secretos de Barcenas fablan de pagos sistematicos a la cupula d’o PP

En os documentos, publicaus por El País, amaneixen os nombres de Rajoy, Cospedal, Rodrigo Rato y atros altos cargos

barcenasppO diario espanyol El País publica hue una primer entrega d’os “papers de Barcenas” que contrimostrarían o pago de sobrechornals a la cupula d’o Partido Popular.

En istos papers, l’extresorero d’o PP, Luis Bárcenas, apuntaba a mano os pagos que feba a varios mainates d’o partiu, dende 1997 dica 2008. Tamién i apuntaba os pagos recibius como donacions (bells d’ellos d’interpresas constructoras u d’atras como Mercadona), asinas como donacions en negro que feba o partiu a organizacions como Basta Ya u meyos de comunicación como Libertad Digital.

Os pagos yeran trimestrals u semestrals a tota la cupula d’o partiu, dentre ells, Mariano Rajoy u María Dolores de Cospedal, y atros antigos altos cargos como Francisco Alvárez Cascos, Acebes, Aznar, Mayor Oreja u Rodrigo Rato. En os papers s’apunta que Rajoy recibiba dica 25000 euros anyals.

Dentre as interpresas que feban donacions a o partiu se troban en ista primera entrega Mercadona, FCC, OHL u Sacyr Vallehermoso. Parti d’istos diners recibius por o PP s’ingresaban en  una cuenta d’o Banco de Vitoria, que en 2003 estió adquiriu por Banesto. Pero d’istas donacions no s’ingresaban os diners completos, porque podria estar un caso de financiación ilegal si no s’heban regularizau a resta d’os diners.

O Partiu Popular, ha publicau un comunicau en que ditz que totz istos apuntes son falsos, que desconoixeba a suya existencia y que no bi ha ni pagos ni donacions recibidas fueras d’as declaradas debant d’a Seguridat Social en as nominas u en as retencions fiscals.

O comunicau d'o PP refusando totas as acusacions

O comunicau d’o PP refusando totas as acusacions

En atro comunicau l’ex-tresorero d’o PP, Luis Bárcenas, ha refusau cualsiquier rilación con os papers publicaus por El País y ha dito que nunca no s’han pagau sobresueldos en negro en o PP. Tamién dende Presidencia, y seguntes l’achencia Reuters, un vocero de Mariano Rajoy ha negau haber recibiu istos pagos que denuncia El País.

2 Rispuestas a Os papers secretos de Barcenas fablan de pagos sistematicos a la cupula d’o PP

  1. Pingback: José Luis Soro: “No habrá democracia hasta que no se vayan a casa o entren en la cárcel” | AraInfo | Achencia de Noticias d´Aragón

  2. Pingback: Zaragoza vuelve a salir a la calle contra la corrupción del PP y contra la criminalización de las protestas | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.