Os Plans d’Hespital de Benás acullen o 12 Hores Fondean

Mientres doce horas os esquiadors prebarán de fer a mayor quantidat posible de kilometros

L’evento, organizau por l’Agrupación Esportiva Hespital de Benasque y a Estación de Plans d’o Hespital, se diriche tanto a practicantes habituals de l’esquí nordico como a esquiadors ocasionals y mesmo aquells que s’encietan en a modalidat. a finalidat d’a preba no ye unatra que aconseguir, entre as 12 horas de duración d’a mesma y de traza continada, a presencia d’esquiadors en pista, ta tractar de totalizar -sumando as distancias efectuadas por cadagún d’os participantes- o maximo de kilómetros posible a la meya nueit, hora de finalización d’a preba.

Cada esquiador, en función d’a suya condición fisica, d’a suya motivación y d’as suyas preferencias, puede decidir tanto o estilo (clasico u patinador) como a duración d’a suya intervención y l’horario d’a mesma; estando posible participar de traza contina u bien fraccionada (fendo descansos) entre as 12 y as 24 horas en que remanirán ubiertos os controls de salida y plegada. Como fin de fiesta, a organización tiene previsto, ta aquells esportistas que lo deseyen, realizar una puyada colectiva a las 22 horas dende o Pllan de l’Hespital dica o Pllan d’Estan ta esquiar baixo a luz d’a luna plena.

Ista primera edición d’as 12 hores fondean rematará a meya nueit con fiesta y mosica en as instalacions de l’hotel. Ta mas información y inscripcions: adhospitaldebenasque@hotmail.com www.llanosdelhospital.com/

Fuent: http://www.wix.com/komandotortilla/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.