Os premios ta literatura en aragonés y catalán d’o gubierno se fusionarán en uno solo

O gubierno contina fendo tot lo posible ta no negar a realidat trilingüe d'Aragón

Os ganadors d'os premiosde 2011 chunto a Humberto Vadillo (Foto: Marc Martí)

Os ganadors d’os premios chunto a Humberto Vadillo (Foto: Marc Martí)

O gubierno d’Aragón tien a intención de fusionar os premios Arnal Cavero y Guillen Nicolau, t’a literatura en aragonés y catalán respectivament, en un solo premio, seguntes informa Heraldo de Aragón en a suya edición impresa. Iste premio “será ta obras escritas en qualsiquiera d’as luengas u modalidatz lingüisticas d’a nuestra comunidat”. L’articlo no i aclara si se bi incluye o castellano y as suyas modalidatz.

Istos premios yeran convocaus todas as anyadas ta obras escritas en as dos luengas propias d’Aragón. En a zaguer edición Carles Téres y Óscar Latas estioron os ganadors a qui les entregó o premio o director cheneral de cultura Humberto Vadillo. En o suyo discurso, o politico dició que caleba esfender un “patrimonio milenario”, encara que evitó nombrar a las luengas por o nombre suyo.

Fa bells diyas, Chunta Aragonesista ya s’alarmó de que no s’hese feito a convocatoria que, por un regular, yera feita en istas calendatas, y demandaba explicacions t’o gubierno. As suyas temors pareix que teneban razón y que o gubierno continará a politica lingüistica anti scientifica replegada en a lei de no luengas.

 

5 Rispuestas a Os premios ta literatura en aragonés y catalán d’o gubierno se fusionarán en uno solo

  1. Qué fuerte, qué se podeba esperar d’esta clica d’ineptos y abarcudos.

  2. Pingback: Os premios ta literatura en aragonés y catalán d’o gubierno se fusionarán en uno solo | Arredol - La Franja

  3. Conye que vergüenya de gubierno… y porquè no decir-lo que vergüenya de pueblo que les ha ficau astì. SNIF!

  4. Pingback: Aragon : Les prix de littérature en aragonais et en catalan seront fusionnés | 7seizh

  5. Pingback: S’apreba a lei de no luengas | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.