Os primers Premios Simón d’o cine aragonés ya tienen finalistas

A gala tendrá puesto o venient 11 d'abril en o Teyatro Prencipal de Zaragoza

Fotograma de "Simón en el desierto"

Fotograma de "Simón en el desierto"

“De tu ventana a la mía” de Paula Ortiz , “La granja” de Ignacio Lasierra, “El encamado” de Germán Roda y “5” de Juancho Barrecheguren son as quatre cintas que seran finalistas en dos categorías d’os primers premios Simón que convoca l’Asamblea de Cineastas aragoneses.Pero no son as unicas nominadas. 67 cintas s’han presentau ta istas primeras nominacions, encara que os que han plegau ta la final son menos.

Os nominaus ta o millor largometrache son “5” de Juancho Barrecheguren, “De tu ventana a la mía” de Paula Ortiz, “778 La chanson de Roland” de Olivier van der Zee, “El encamado” de Germán Roda y “Sobre la misma tierra” de Laura Sipán. En os curtometraches, os nominaus son”Amores ciegos” de Marisé Samitier, “El hijoputa” de Adrián Dominguez, “La granja” de Ignacio Lasierra, “La nave” de Eva Villar, “Les (El bosque)” de Aida Ramazánova y “Los ojos de Laia” de Álex Rodrigo.

Os actors nominaus por interpretación, sin distinción en dos categorías d’hombres y mullers, como gosa ser habitual, son Alberto Castrillo por “El encamado”, Alfonso Pablo por “Cámping”, Amelia Rius por “Al Quinto”, Laura Contreras por “La granja”, Luisa Gavasas por “De tu ventana a la mía” y Mayte Salvador por “Qué tienes que contarnos”.

Ye a primer ocasión en que se fan istos premios, que quieren contribuyir a o reconoiximiento d’o cine que se fa en o país. A gala d’os Premios se ferá o venient 11 d’abril en o Teyatro Prencipal de Zaragoza. Antis, o diya 2 d’abril, se prochectarán os nominaus en l’Espacio Ambar d’a capital.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.