Os profesors d’Educación Fisica presientan 18.000 alegacions a lo Curriclo d’Educación Primaria

A Orden rebaixa de 15,5 a 12 as horas adedicadas a la Educación Fisica

Entrega d'as firmas

Entrega d’as firmas

O Colectivo de Docents d’Educación Fisica d’Aragón, “+EF”, ha presentau en o rechistro d’o Departamento d’Educación más de 18.000 alegacions a la Orden de modificación d’o curriclo d’Aragón, promoviu por a Consellera d’Educación Dolores Serrat, que ye agora mesmo en periodo d’información publica.

Ista Orden rebaixa as horas d’Educación Fisica (EF) en os Centros de Primaria, d’as 15,5 que se fan en iste curso a 12 t’o venient. Ye decir, una baixada de 3,5 horas en a Primaria, lo que ye quasi una quarta parte menos (22,6%).

Os Docents de EF d’Aragón s’han amostrau a-saber-lo preocupaus, porque a decisión d’a Consellera Serrat va en una endrecera de tot de revés d’as recomendacions internacionals, y “va a fer firme mal a l’alumnalla aragonesa”.

O Informe Erydice, d’a Comisión Europea (2013) indica: “Cal remerar que, cuanto a prener costumbres saludables, ye muito important para cuenta de que dica un 80% d’os ninos y ninas en edat escolar nomás participan en actividatz fisicas en a escuela“.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.