Os rebeldes libios matan a Gaddafi en Sirte

A CNT ha confirmau a muerte de l'ex-president libio, que yera amagau en un forau

Gaddafi en 2009 (Foto: Wikipedia)

Gaddafi en 2009 (Foto: Wikipedia)

Fuents d’o CNT libio, seguntes a television libia y Al Jazeera, han asegurau que dimpués d’a conquiesta de Sirte, as suyas fuerzas militars han apercazau a Muammar el Gaddafi. Seguntes un portavoz d’a CNT, Gaddafi, amagau en un forau, ha gritau “no disparen, no disparen”, pero ha muerto a consecuencia d’as suyas feridas.

As fuerzas rebeldes han dentrau ya en o corazon de Sirte, an que encara resistiban os leyals a Gaddafi, rematando as zagueras prebatinas de resistencia.

Dende zaguerias d’o mes d’agosto o paradero de Gaddafi yera desconoixiu, encara que siempre s’ha sospeitau que yera en a suya ciudat natal. En Tripoli, a chent ha saliu ta la carrera a cilebrar a muerte d’o dictador libio.

3 Rispuestas a Os rebeldes libios matan a Gaddafi en Sirte

  1. Increyible. Increyible iste asesinato y l’espectaclo en o que s’ha convertiu a muerte. En primerías, no sabemos cosa de que i ye pasando. Gadafi, amigo de Aznar y Berlusconi, agora ye, bueno, yera, un violento asesinador, un matachín, pero no sabemos exactament cuals son os suyos crimens. Mesmo os nazis tenioron dreito en Nuremberg a un chuicio chusto, cosa que les niegan a Osama y a iste altro.

    Como digo, no sabemos cosa d’o que ye pasando en o Magreb. A primavera d’El Cairo, per eixemplo, ha rematau con enfrontinamientos con os coptos. No deciban os vociadors de l’orden mundial que yera a puerta per an que i dentraría a democracia en o mundo arabe? Y t’Arabia Saudí, quan i arriba?

    O mundo s’ha convertiu en una pantalleta de youtube per an que nos pasan o que quieren.

  2. Espeluznantz imachens.

    Una tongada d’animals con sete de sangre empentando-sen mutuament ta prebar de foter un tiro a o malferiu. Si les dixan esmicazan o cadaver dan cutiellos y les ne dan a os cochos.

    ¿Ixes son os nuestros aliaus? ¿Ixes son democratas?

    A distancia cultural y humanistica con ixas rechions ye brutal. No quiero ixa mena de chen aquí…

  3. No se si remeras, pedro Bala, a presencia d’os cristians n’as plazas de echipto cuan prencipió a revolución…

    A revolución estió un inte de reformulación d’a identidat nacional echipcia. Musulmans y cristians luitoron de conchunta.

    Sin dembargo bi ha chent interesada en fer fracasar a revolución en echipto. D’un costau esta o echercito, vertadero depositario d’o poder dende fa décadas. D’atro costau esta israel, que de seguro no dudaría en alimentar a tensión entre coptos y muslmans ta fer petar echipto.

    A violencia sectaria yes a traza más facil de reventar un proceso popular, o mosad y la cia la lo fación en irak. Ta Israle ye de vital importancia aturar a democratización dó magreb y o masrek.

    Agora clamadme conspiranoico ;P

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.