Os retalles en I+D son un suicidio scientifico

A prestichiosa revista Nature fa un analisi sobre as nuevas politicas d’austeridat en rechira scientifica

Imachen d'o CITA (Foto: Gubierno d'Aragón)

Imachen d'o CITA (Foto: Gubierno d'Aragón)

En un articlo apareixiu ahiere en a revista scientifica Nature se feba analisis sobre o nuevo gubierno en Espanya y a suya ideya de sciencia. Iste articlo diciba que o nombre de sciencia ya no aparixe —por primera vegada— en dengun menesterio y que d’atra parti parixe estar mas important ta lo nuevo gobierno a competitividat.

Isto ye porque Madrit —seguntes l’articlo— no ye ya interesata en as rechiras scientificas pero si en as retalladas y en os achustes economicos. Rajoy parixe no parar cuenta en que ye aturando l’esvenider de la rechira scientifica en Espanya y que ye amortando china chano o rete scientifico.

Seguntes l’autora de l’articlo, o problema ya prencipio con lo zaguer gobierno baixando os livels de desichencia y a la fin, la qualidat de las rechiras feitas.

O futuro no ye pues guaire goyoso porque os scientificos que se chubilen no habrán remplazo y no sera posible a continidat de las suyas rechiras. A tot isto, cal sumar-le que Espanya no tien un mercau ,seguntes l’opinion de l’autora, a on os chovens rechiradors puedan treballar, asinas que lo suyo esvenider pasará por deixar o pais.

Os problemas que se son entimando dende fa ya tiempo prencipian a surtir ya en os meyos de difuera de l’estau espanyol sin que por l’inte se siga fendo cosa ta amillorar iste fosco esvenider scientifico.

Fuent: http://www.nature.com/news/spanish-changes-are-scientific-suicide-1.10027

Una rispuesta a Os retalles en I+D son un suicidio scientifico

  1. Ista ye a contrimuestra de que a o gubierno español a competitibidá d’a economía nomás la alazeta en afogar a o treballador con salarios bergüeñosos, sin prestar-ie ficazio a la productibidá d’o capital, que nomás s’aconsigue amillorar aumentando lo gasto y a efizienzia en imbestigazión, desembolique y innobazión.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.