Os Reys plegón ahiere en Saraviello

Aduyaus por un tractor, en cuentas de en camellos, As Suyas Machestatz Os Reys Magos d'Orient plegón ahiere en ista localidat d'o Sobrarbe

Os Reys Magos plegón ahiere en Saraviello (Foto: Sobrarbenses.es)

Con un orache increyible ta istas calendatas, os ninos y mayors de Saravillo recibión ahiere a os Reys Magos d’Orient, como gosa estar normal. Dende as suyas calidas tierras les trayón bells 14 graus de temperatura, encara que tamién han veniu con bellas chislas d’augua.

Os chicorróns acullón con ilusión a las Suyas Machestatz y asperaban que a nueit venise cargada de presents. D’a mesma alegría se contachión totz os vecíns d’o lugar.

Como gosa de pasar en muitos lugars d’o Sobrarbe, os Reys no i plegón en camello, porque istos mamiferos no i son feitos a l’orache pirinenco y se meterían malaudos, ye por isto que por istas redoladas gosan de venir en tractors, cambións u mesmo en caballo. En Saraviello plegón con l’aduya de Julio, de Casa Laplaza, que los puyó dende l’esbarre con o suyo tractor y remolque. Cada anyo los reculle en l’esbarre con un grand paquet de presents.

En ixe grand paquet bi ha presents ta totz y cada un d’os ninos y ninas de Saravillo, y ta bells mayors. Un por un van nombrando y entregando los paquetz. Atros presents plegan a l’atro’l día ya que los deixan de nueis y no tendrían prou tiempo ta dar-los totz mientras a tardi.

A tardi remató con una brenda con chicolate calient y mosica ta continar compartindo l’ambient y l’animación.

Fuent: http://sobrarbenses.es/?p=20858

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.