Os ricos d’o mundo amagan dica 32 billons de dolars en paradisos fiscals

Os más ricos d'a planeta amagan entre 21 y 32 billons de dolars en paradisos fiscals, seguntes un estudio d'a colla Tax Justice Network (TJN) que s'especializa en problemas d'evasión tributaria.

Mapa de paradisos fiscals (Imachen: ATTAC Madrid)

Mapa de paradisos fiscals (Imachen: ATTAC Madrid)

D’a magnitud d’ista cantidat se’n puet parar cuenta contimparando-la con a primer economía d’a planeta, os EE.UU., con o PIB arredol d’os 15 billons de dolars. Bi ha quasi 10 millons de titulars de cuentas offshore pero a mitat d’istos diners perteneix a bells 92.000 ricos.L’estudio de TJN, publicau en a depeixa britanica The Observer, sinyala a China como a mayor expostadera de capitals t’os paradisos fiscals, con un volumen que se calcula de 1,189 billons de dolars. Le siguen Rusia y Corea d’o Sur, con 798.000.000.000 dolars y 779.000 millons de dolars, respectivament.

D’enter os diez primers puestos, quatre pertocan a nacions latinoamericanas. Brasil ocupa o quarteno puesto, con 520.000 millons de dolars; Mexico, Venezuela y Archentina son en o seiseno, sieteno y ueiteno puesto, como 417.000, 406.000 y 399.000 millons de dolars cadagún.

“O problema d’istos países ye que una chiqueta colla d’hombres con diners controla os activos entre que o pueblo plano carria con as deudas a traviés d’os gubiernos”, sinyala l’informe que analiza o problema d’evasión fiscal en 130 países en un periodo de quatre decadas. John Christensen, de TJN, considera que “a desigualdat ye muito, muito pior d’o que amuestran as estadisticas oficials”.

 

Fuent: http://noticies.sirius.cat/2012/07/els-rics-del-mon-amaguen-fins-32.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.