Os ríos aragoneses, en as tres pedretas

No baixa quasi d'augua ta lo que ye normal en istas calendatas

A Uerva en Vistabella (Foto: Biquipedia)

A Uerva en Vistabella (Foto: Biquipedia)

Os ríos aragoneses son pasando por una situación mala de tot. Muitos no plegan ni a o caudal de seguridat fixau por o Plan Hidrolochico de l’Ebro en 1996. Ye o caso, por eixemplo, de l’Esera y o Galligo con 610 y 740 litros por segundo quan habrían de baixar-ie 890 y 1250.

En a marguin dreita de l’Ebro a situación ye pior. Martín, Guadalope y o río Piedra tampoco no plegan en ixos caudals minimos. Os tres que son en a pior situación son o Matarranya que nomas leva 10 litros por segundo en pasar por Nonasp, y lo río Aguas y l’Arba de Luesia que nian levan d’agua en l’entibo de Moneva y o lugar de Biota respectivament.

Os unicos que se salvan, y no guaire, son l’Aragón y l’Ebro, iste zaguer por as auguas d’os ríos Arga y Ega que naixen en os Pirineus navarros a on que si que ha pleviu en as zaguers semanas.

A no estar que l’orache cambie muito, os ríos continarán baixando pon poca augua y pareix que bi habrá una primavera fura ta l’agricultura y t’os ecosistemas de ribera que sufrirán d’a manca d’augua y d’a puyada en a concentración d’a contaminación.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.