Os sardos dicen “sí” en referendum a redactar un nuevo estatuto d’autonomia t’a isla

El president sard es compromet a escoltar “la voluntat d'una Sardenya que vol decidir amb tries autònomes i de ruptura amb el passat”

sinyal sardo

Sinyal sardo

Una mayoría d’o 94,4% d’os sardos que o domingo s’amanoron t’as urnas votoron de traza favorable a redactar un nuevo estatuto d’autonomia por dencima d’o que ye vichent agora, que s’aprebó en 1948 y ye estau cambiau bellas ocasions. Os sardos estioron convocaus ta responder a un total de diez preguntas. A que pertocaba a o nuevo estatuto proposaba, concretament, a ‘reescritura d’o texto ‘de man d’una Asambleya constituyent esleixida por sufrachio universal de toda a ciudadanalla sarda’.

As atras preguntas contenidas en o referendum se referiban a afers de raso tocants  a las institucions: l’abolició de belunas u de todas as provincias que trestallan administrativament Cerdenya, a triga dreita d’o president d’a Rechion Autonoma, l’abolición de bellas disposicions, consellos d’administración y achencias y achiquir o numer de diputaus d’o parlamento sardo (de 80 a 50).

Efectivament, os electors esleixioron suprimir todas as provincias d’a isla. Manimenos, iste proceso tendrá dos partis. A primer, muito mas rapeda, será la de l’abolición d’as clamadas ‘provincias nuevas’: Carbonia-Esglésies, Medio Campidano, Ogliastra y Olbia-Tempio, creyadas en 2005. Un espectacular 96,9% d’os votants demandoron que istas provincias estasen suprimidas. Seguntes Sardegna Oggi, agora o president sardo, o conservador Ugo Capellacci, habrá de fer aprebar de camín una lei que meta punto final a l’existencia d’istas quatre unidatz territorials. Será más dificil suprimir as clamadas ‘provincias viellas’ (Càller, Sàsser, Nuoro y Oristany, tamién aprebada por o 66% d’os votants) porqué caldrá aprebar una norma constitucional en Roma.

O quorum, lograu por un marguin chicot

O referendum, convocau por o president sardo (cosa legal en Italia), heba sufriu o boicot de muitos meyos de comunicación y de bells partius italianos, pero superó o 33,3 % minimo de participación ta que estase valido. L’afluencia t’as urnas estió d’o 35,5% d’os electors, uns porcentaches en primeras baixos, pero alteros- dicen os expertos- si paramos cuenta d’o grau de movilización que se gosa trobar en lo electorau sardo as preguntas de caracter institucional. Ugo Cappellaci declaraba que ye estada ‘una chornada de gran participación popular, una victoria ta Cerdenya y ta totz os sardos’ y se comprometeba a ascuitar ‘iste mensache esclater y a voluntat expresada d’una Cerdenya que quiere decidir esleixindo de traza autonoma y crebando con o pasau’.

 

Fuent: http://www.nationalia.cat/ca/noticies/1124

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.