Os secanos aragoneses agonizan de sete

Dende ASAJA s'aspera que o consellero Lobón pueda plasmar ista gravisma realidat a o ministro Cañete en a reunión que mantendrán en Madrit

Campo de secano en Torreciella de Val Madriz en epoca de plevias. (Foto: Lucía López Marco)

T’a organización agraria ASAJA , se puede dar a paradoxa que a feria internacional de Maquinaria Agricola obtenese os suyos millors rechistros de visitas y vendas, mientres que os campos se mueren literalment por a fortisma sequera que padeixemos dende fa meses y que ye deixando estaus vechetativos irrecuperables.

Fernando Luna sinyala que “hemos viviu una semana muit intensa, con una FIMA espectacular, con muito movimiento d’o sector, pero a realidat ye que das una tornada por os campos de tot o centro d’Aragón y a fotografía ye caotica, campos muertos, produccions que no van a salir entabant, etc.” Dende ASAJA Aragón se lanza a voz d’alarma, pues ya se alufran movimientos preocupants, como posibles despius y a no contratación en interpresas de servicios, de simients y fertilizants, debant d’as malas perspectivas d’os secanos y a preocupant situación d’os reganos. A organización no pretende creyar alarma, pero considera que “hemos de meter-nos a treballar en ixo sin mensaches grandilocuents, sino con aduyas reals y midas que puedan resultar efectivas. Amenistamos o decreto de sequera porque as perdas van a estar dificilment dicheribles por o sector que puede vivir una d’as piors campanyas d’os zaguers decenios”, sinyala Luna.

Dende ASAJA s’aspera que o consellero Lobón pueda plasmar ista gravisma realidat a o ministro Cañete en a reunión que mantendrán en Madrit y en a qual a sequera ha d’estar a protagonista absoluta en a trobada amás d’a postura aragonesa en relación a la PAC. “ O nuestro consellero ha de meter dencima d’a mesa una solicitut d’aduyas urchents y extraordinarias: a situación ye extraordinaria, con uns datos de sequera que comprometen o nuestro esdevenidero immediato de traza contundent. As perdas d’o nuestro sector gravarán severament a economía aragonesa en quantos cientos de millóns d’euros”, concluye Luna.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.