Os sindicatos y colectivos socials goyosos con o siguimiento d’a vada cheneral

O balanz por l'inte ye de 6 detenius y tres ferius, totz ells en Zaragoza

Piquete en o Corte Inglés de Zaragoza (Foto: Centro de meyas)

Piquete en o Corte Inglés de Zaragoza (Foto: Centro de meyas)

Totz os sindicatos convocants d’a vada cheneral en Aragón s’amuestran goyosos d’o siguimiento d’a vada en o país. As valoracions de SOA resaltan l’important ature secundau por o sector industrial y sinyala a baixa actividat comercial en a zona centro de Zaragoza. Ta o sindicato, o siguimiento d’o sector publico ha estau prou important.

CGT qualifica d’exito a vada cheneral d’o 29M. Seguntes iste sindicato nos informan que o Transporte Publico solament ha treballau con os servicios minimos. En Amostranza han secundau a vada un 60%, en Industria o siguimiento ha estau superior a o 70%, plegando en qualques casos a o 90%. En o chicot comercio os datos que nos facilitan son d’un 50%.

Dende CNT valuran positivament a chornada de luita. Os datos que manulla iste sindicato son d’un siguimiento superior a la vada d’o 29S de 2010, isto s’ha notau en a mayor participación en os piquetes que han recorriu poligonos y carreras en tot o país. CNT adhibe que en o vico d’as Fuents de Zaragoza, a saber los comercios han chitau a persiana secundando a vada cheneral.

Ta UGT y CCOO, que tamién convocaban vada en l’estau espanyol, o siguimiento en Aragón ye o más important d’os zaguers anyos y os secretaires chenerals d’as dos organizacions mayoritarias, han amostrau a suya satisfacción por o desembolique d’a chornada. Tamién OSTA ha amostrau a suya satisfacción por una chornada “que s’ha feito sin incidents y con un gran siguimiento”.

Por o contrario, a confederación d’interpresarios d’Aragón CREA ha cifrau o siguimiento en o sector privau en un 17%, mientres que o gubierno, an que s’obligaba a os funcionarios a declarar si feban vada, ha dito que un 23% d’a suya plantiella no ha iu a lo triballo.

O delegau d’o gubierno espanyol en Aragón, Gustavo Alcalde, ha declarau que a vada ha teniu “un nivel acceptable de incidents“, y ha dau a cifra de 6 detenius y 3 ferius. Un d’os incidents más grieus, que torna a repetir-se en ista vada cheneral, ha estau a carga policial en Mercazaragoza, inte que reculle o video grabau por Qaesar que alcompanya a la noticia.

Amás d’as grans ciudatz, en lugars como l’Ainsa s’han feito ya concentracions iste maitín. En Exea d’os Caballers una concentracion estudiantil ha recorriu as carreras d’a localidat. Tamién en Alcanyiz, Caspe u Fraga os triballadors han secundau a vada.

Entre os partius politicos que han teniu representación en a chornada en os esferents actos, IU ha denuncia a violencia policial en Mercazaragoza, y ha demandau a dimisión de Gustavo Alcalde. O suyo cordinador, Adolfo Barrena, tamién ha remerau que a ciudadania ya ye cansa d’as retalladas y reformas ta zaga. CHA tamién ha feito una crida a la ciudadanía a participar en a chornada de huei asinas como a continar as movilizacions dica aturar una reforma que “ye a pior enrestida contra os dreitos d’os triballadors”.

Puyalón de Cuchas, organización politica d’o Bloque Independentista de Cuchas, tamién ha feito as primeras valoracions y treslada o gran exito d’a chornada de luita en tot o país, an bi’n ha habiu una gran participación que anima a “continar la luita ta desmontar as estructuras d’o capitalismo colonial”.

Cucha Anticapitalista d’Aragón coincide en l’exito d’a vada y en a mayor participación, más que más en o sector privau, respective a o 29S de 2010, y en a gran afluencia de personas a os piquetes.

A Plataforma Stop Desahucios fabla d’exito rotundo y d’a enorme afluencia a o piquete organizau por iste colectivo, con mas de mil personas. Adhiben que os obchectivos que s’heban marcau s’han compliu con creixes ya que s’han zarrau totz os bancos que yeran previstos.

La Marea Verde va creixendo cada vez mas, tal como nos apunta un d’os suyos miembros. O seguimiento y l’emparo en a manifestación d’iste maitín, que ha baixau dende o campus d’a Universidat de Zaragoza ha estau enorme, una gran cantidat de chambretas verdas han estau presents en as carreras.

Por zaguer, rematamos ista ronda con as impresions d’o 15M. Dende iste movimiento alertan d’a fuerte represión policial entre toda a chornada, l’uso d’a intimidación y a violencia gratuita que ha estau o denominador común de todas as fuerzas d’orden publico. Encara asinas fan una valoración muit positiva d’a participación en as convocatorias manimenos as quatro personas detenidas d’iste colectivo.

Ta veyer fotos d’a chornada dende o Centro de Meyas s’ha feito publica ista adreza web.

2 Rispuestas a Os sindicatos y colectivos socials goyosos con o siguimiento d’a vada cheneral

  1. Pingback: [Actualización constante] Vada Cheneral 29M. Rasmia y argüello de clase en tozs os lugars del país | AraInfo | Achencia de Noticias d´Aragón

  2. Lo que puedo ver en el video publicado se repite en todas las manifestaciones cuando la policía carga contra los manifestantes y detiene a algún compañero, siempre es igual, nadie hace nada para impedirlo, la policía siempre es menor en número que los manifestantes, resumiendo, solo veo cobardía por parte de los compañeros, creo que cada uno de los que están viendo la situación piensa “sálvese quien pueda” y no es capad de enfrentarse al policía con la misma agresividad que este está empleando con el agredido. Ya no es momento de dialogar, ahora ya toca luchar para defender lo nuestro, no es momento ni de levantar las manos cuando estamos frente a ellos ni de salir corriendo, es momento de enfrentarnos a esa violencia con los mismos métodos que emplean ellos. Todo lo demás es cobardía, hoy una manifestación, no es como salir a la calle a correr delante de los cabezudos (que es lo que parece), hay que salir a defender lo nuestro y a nuestro compañero que tenemos junto a nosotros en el enfrentamiento.
    Esto ya debe de parecer una batalla. Y repito, todo lo demás es cobardía.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.