Os socialistas tocan a mayoría absoluta en l’Asamblea francesa

O Frent Nacional de Marine Le Pen se consolida como a tercera fuerza, pero obtendría poca representación

O Partiu Socialista francés toca a mayoría absoluta en l’Asamblea francesa, seguntes os datos d’escrutinio d’a primer tongada d’as eleccions lechislativas d’ahiere. O domingo venient, en a segunda tongada, se puede plegar de perfilar ista mayoría absoluta. A tamás de tener un porcentache de voto (34,5%) parellano a o d’a Unión por un Movimiento Popular (33,9%), os socialistas tienen fuerza mas avantalla en o reparto de cadieras. O Frent Nacional de Marine Le Pen obtiene un 14% de votos, una mica menos que no se preveyeba, y podría dentrar por primer vegada en l’Asamblea con dos cadieras.

O bloque encabezau por os socialistas obtendría entre 293 y 323 cadieras en a camara de 577 diputaus (a mayoría absoluta son 289). A ista cifra caldria adhibir-ie os entre 12 y 18 cadieras que conseguirían os Verdes. O bloque conservador, antiparti, obtendría entre 218 y 248 cadieras.

L’ascenso d’a extrema dreita

Ista primera tongada d’as eleccions lechislativas también ha feito honra ta confirmar l’abance d’a extrema dreita, con o Frent Nacional amanando-se a o 14% d’os votos, de tal traza que puede aconseguir representación a la camara por primer tornada, concretament entre un diputau y tres. A dirichent d’a formación, Marine Le Pen, ha estau a mas votada en a suya circumscripción, a d’Henin-Beaumonte, a on ha redotau a o dirichent comunista Jean-Luc Mélenchon, y que disputará a cadiera a semana venient, en a segunda tongada, con o candidato socialista Philippe Kemel.

Verdes y Frent de Cuchas

Dos formacions mas pueden plegar de decantar a mayoría d’a cucha en l’Asamblea: o Frent de Cuchas de Jean-Luc Mélenchon ha obteniu o 6,5% de votos, que le darían entre 13 y 18 cadieras, y os Verdes s’han quedau chusto por debaixo d’o 4,9%, cosa que se puede traducir en 15 u 20 diputaus.

Os socialistas acaparan poder

Un mes dimpués de l’acceso d’o socialista François Hollande a la presidencia francesa, as eleccions lechislativas son vistas como un test ta confirmar a basculación de Francia ent’a cucha. Se trigan os 577 diputaus, en unas eleccions por circumscripcions con mas de cinc mil seicientos candidatos. Si se confirma o proximo domingo a victoria d’a cucha, por primer vegada en a cinquena Republica controlará quasi totz os poders d’o país: a presidencia, o Senau, l’Asamblea y as prencipals rechions y ciudatz.

Os 577 deputaus que ocuparán o cargo os venients cinco anyos se trigan a partir d’un compleixo sistema de circumscripcions electorals, basadas en censos demograficos. Amás, por primer vegada en istas eleccions s’han creyau once circumscripcions t’os franceses establius en l’extranchero.

Ta estar trigau en a primer tongada, os candidatos han habiu d’obtener a mayoría absoluta d’os sufrachios (mas d’o 50%) y como minimo o 25% d’os votos d’os inscriptos. Si no se plega a istas cifras, o venient domingo se fa una segunda tongada con os dos candidatos mas votaus a la primera, como tamién con os candidatos que haigan obteniu como minimo o 12,5% d’os votos d’os inscriptos.

En un sistema presidencialista como o francés, a composición de l’Asamblea no ye tan determinant como en muitos atros países. Manimenos, as eleccions lechislativas tienen una importancia capital t’os partius que  i concurren: d’o resultau pende a cantidat de diners que o estau les aportará os cinco anyos venients, a razón de 44.000 euros anuals por diputau, de meya.

Fuent: http://www.vilaweb.cat/noticia/4019055/20120611/socialistes-tenen-tocar-majoria-absoluta-lassemblea-francesa.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.