Os sufixos d’as webs podrán tener qualsiquier cantidat de letras

Será dende 2013. Os nuevos dominios s'adhibiran a los bells 300 que bi'n ha agora.

Logo ICANNOs dominios web, as letras que vienen dezada d’o punto, podrán estar de qualsiquier cantidat de letras dende chiner de 2013. Asinas lo ha anunciau a Corporación ta l’Asignación de Nombre y Numers (ICANN, por as suyas siglas en anglés) a organización que gubierna os dominios d’o rete.

Dica agora existiban 22 posibilidatz como los famosos .com u .org, más bellas 250 nacionals u lingüisticas como .fr, .cat, .an… O plazo ta demandar os nuevos dominios ya ye ubierto y se prolargará dica o venient 12 d’abril. Dimpués prencipiará un tiempo ta evaluar o dreito a l’emplego d’ixe domino. Será la ICANN a que decida sobre os conflcitos.

Ta poder fer a solicitut caldrá fer un ingreso de bells 145.000 euros antimás de bells 20.000 euros cada anyada ta mantener a extensión. Os demandants d’os dominios habrán de contrimostrar a suya solvencia economia.

Dende l’anyada venient, alavez, podrán existir dominios como .aragon, .zaragoza, .sobrarbe,  .aragones… Por agora no se sabe que garra institución aragonesa haiga demandau garra dominio.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.