Os treballadors de Casting Ros en Utriellas fan una acampada contra a externalización d’o mantenimiento

En a interpresa treballan más de 300 personas y ye una d'as principals d'a redolada

Treballadors de Casting Ros en protestas de 2012 (Foto: CCOO)

Treballadors de Casting Ros en protestas de 2012 (Foto: CCOO)

Más de quaranta treballadors d’a interpresa de fundición ta autos Casting Ros, con siede en Utriellas (Cuencas meneras), han prencipiau una acampada ta refusar a externalización d’os servicios de mantenimiento d’a planta. Ista mida se refusó en as asambleyas que se celebroron iste pasau domingo y afectaría a quaranta y dos treballadors que pasarían a pender d’una interpresa de Vizcaya.

Os treballadors temen que ista externalización no siga que a primer de atras que podrían plegar. “A la fin en Casting Ros no i será que o cherent y toda la resta seremos de chicotas interpresas que treballan ta ella“, declaraba Mariano Secanella, president d’o Comité d’interpresa.

A interpresa, que ye una d’as más grans en a suya redolada, cuenta agora mesmo con más de 300 treballadors, encara que dende o prencipio d’a crisi en ha perdiu a 160. L’acampada ye una mida de presión ta que a dirección se replanteye a decisión de externalizar o mantenimiento que anunció o pasau 2 d’abril. Por agora continará con os treballadors de mantenimiento y muitos atros que se i han adhibiu. Si o conflicto se prolargase, representants d’a plantilla han anunciau una vada entre o 18 y o 30 d’abril.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.