Os treballadors de FCC acampan en o Paseyo d’a Constitución de Zaragoza

Continan as movilizacions d'os treballadors de parques y chardins de Zaragoza.

Imachen de l'acampada

Imachen de l'acampada

Iste maitin, o paseyo d’a Constitución de Zaragoza s’ha plenau de tiendas de campanya. Más de venticinco tiendas y bellas 70 personas, treballadors de Parques y Chardins de FCC, han acampau indefinidament en o verdet d’o paseyo ta continar con as suyas movilizacions.

L’acampada ye a zaguer aición, por agora, de muitas que os treballadors han iu fendo mientres as quatre semanas que levan de vada. Culpan a la interpresa y a o Concello d’a ciudat d’a situación y de no negociar. Tant y mientres dos companyers más son estaus forachitaus y tot lo comité de vada ye expedientau.

Ista mida, se decidió de prener-la en l’asambleya que tenioron os treballadors o pasau viernes, porque o Concello no deixó dentrar a os chardiners en o pleno y porque no dan permisos ta poder continar con os actos y concentracions ta ista semana. L’acampada, de feito, tampoco no tien autorización. Representants d’os treballadors han declarau que si les preban de desaloixar se resistirán de traza pacifica.

As reivindicacions d’os treballadors son que se retiren os expedients feitos y se readmita a la chent forachitada. Antimás, tamién s’han queixau d’os servicios minimos d’o 27% que s’ha establiu. Con tot y con ixo, a vada ye refirmada por entre 150 y 160 personas d’un total de bells 240. Bells treballadors, d’os servicios minimos, han donau parti d’o suyo chornal a qui son fendo vada, amostrando asinas a suya
solidaridat.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.